@@ دوع القمر@@

دموع .. القمر ..

( غزل .. و ذكريات )


موجتين على سيف البحر ...

باتوا يسامرون القمر ..

قالت له موجه : الحب شقا

في قلوبنا دوم

ما تنطفي له محرقه

والثانيه قالت يا قمر..

شيسوي من حب او صبر ؟

بات القمر ..

ماخذه الكدر ..

ومن غير لا ينطق كلمتين .

من عينه نزلت دمعتين ...

اذكر تمام ..

أول ما مشينا في الغرام .

كان القمر .. فعلا قمر ..

وكان غيره اوهام وظلام ...

وبــ ـيوم عجيب ..

بعيوني شفت فيه الحبيب

خذني الفرح قلت يا سلام

وناديته باسمه مرتين ..

لكنه ما رد السلام ...

رحت اشتكي :

قلت يا قمر .. قلبه صخر ...

عذبني من طول السهر ..

بات القمر ... ماخذه الكدر

ومن غير ما ينطق كلمتين ..

من عينه نزلت دمعتين ...

ليل ونهار ..

اشكثر مكاتيب له كتبت

ليل ونهار ...

اشكثر تحملت او صبرت

كان الغرام في ايامنا

صج , مو بس كلام

قالوا لي : بتموت وانت حي ...

ونصحوني بس ما فادني شي ..

جاووا للقمر ..

قالوا له هاللون الغرام ؟؟؟

ليش عاد يقولون : مو حرام ؟؟

بات القمر ماخذه الكدر

وقبل الغياب بلحظتين ...

من غير ما ينطق كلمتين ..

من عينه نزلت دمعتين ...

من أجمل ما قاله .. الشاعر الكبير

عبد الرحمن رفيع

من دولة البحرين الشقيقة

أتمنى أن تنال اعجابكم .. و استحسانكم

تحـــياتى @الزعيم@